வெப்பமான கோடை நாளில் ஒரு கிளாஸ் குளிர்ந்த கரும்பு சாற்றை விட சிறந்தது எதுவுமில்லை. கரும்பு ஜூஸ் உடலுக்கு குளிர்ச்சி தரும் ஓர் அற்புதமான இயற்கை பானமாகும். ஆனால், கரும்பு சாற்றின் நன்மைகள் என்ன என்று நீங்கள் எப்போதாவது யோசித்திருக்கிறீர்களா? கரும்பு ஜூஸ் கொழுப்பு இல்லாதது, 100 சதவீதம் இயற்கையானது.
இந்த சர்க்கரை நிறைந்த பானம் பல பயன்களை கொண்டுள்ளது.
கரும்பு ஜூஸ் பயன்கள்
1. உடனடி ஆற்றலைத் தருகிறது
அதனால்தான் பெரும்பாலான சாலையோர கடைகளில் கோடை காலத்தில் கரும்பு ஜூஸ் விற்பனை செய்யப்படுகிறது.
உங்களை உற்சாகப்படுத்தவும், வியர்வையினால் வெளியேறும் அதிகப்படியான நீரை தடுக்கவும் இதுவே சிறந்த வழியாகும். கரும்பு ஜூஸ்-ல் உள்ள எளிய சர்க்கரைகள் உடலால் எளிதில் உறிஞ்சப்பட்டு உடலின் சர்க்கரை அளவை கூட்டுகிறது.
2. கல்லீரல் செயல்பாட்டை மேம்படுத்துகிறது
மஞ்சள் காமாலை போன்ற கல்லீரல் தொடர்பான நோய்களுக்கு கரும்பு ஜூஸ் சிறந்த இயற்கை மருந்துகளில் ஒன்றாக கருதப்படுகிறது.
3. புற்றுநோய் எதிர்ப்பு சக்தி
கால்சியம், மெக்னீசியம், பொட்டாசியம், இரும்பு மற்றும் மாங்கனீஸ் ஆகியவை கரும்பு ஜூஸில் அதிகமாக இருக்கின்றன. இவை புரோஸ்டேட் மற்றும் மார்பக புற்றுநோய் செல்களை தடுக்க உடலுக்கு உதவுகின்றன.
Also Read: குப்பைமேனி பயன்கள்
4. செரிமானத்தைக் கூட்டுகிறது
செரிமான தொந்தரவுகளில் இருந்து கரும்பு ஜூஸ் மக்களுக்கு விடுதலை அளிக்கிறது.
கரும்புச் சாற்றில் உள்ள பொட்டாசியம் வயிற்றில் உள்ள pH அளவை சமன் செய்து, செரிமான சாறுகள் சுரப்பை எளிதாக்குகிறது மற்றும் செரிமான அமைப்பை சீராக வைக்கிறது. இது வயிற்றில் தொற்று ஏற்படாமல் தடுக்கவும் உதவுகிறது.
5. நீரிழிவு நோயாளிகளுக்கு பயனுள்ளதாக இருக்கும்
மிதமான அளவில் உட்கொண்டால், கரும்புச் சாறு நீரிழிவு நோயாளிகளுக்கு பயனளிக்கும். ஏனென்றால் கரும்பில் உள்ள இயற்கை சர்க்கரை குறைந்த கிளைசெமிக் குறியீட்டைக் கொண்டிருப்பதால் இரத்த சர்க்கரை அளவு சீராக வைக்கிறது. இருப்பினும், கரும்பு சாற்றில் அதிக சர்க்கரை இருப்பதால், நீரிழிவு நோயாளிகள் இந்த ஜூஸை உட்கொள்வதில் எச்சரிக்கையாக இருக்க வேண்டும்.
6. சிறுநீரக ஆரோக்கியத்தை மேம்படுத்துகிறது
கரும்பு ஜூஸில் குறைந்த கொழுப்பு குறைந்த அளவு சோடியம் போன்றவை இருப்பதால் சிறுநீரகத்தின் ஆரோக்கியத்தை கரும்பு ஜூஸ் மேம்படுத்துகிறது.
7. எலும்புகள் மற்றும் பற்களின் வளர்ச்சி
பழங்காலத்தில், கரும்பு குச்சியை மென்று சாப்பிடுவது சிறு குழந்தைகள் மற்றும் பதின்ம வயதினரின் வழக்கமான பொழுதுபோக்காக இருந்தது.
கரும்பு ஜூஸ்-ல் உள்ள கால்சியம் , எலும்பு மண்டலத்தின் சரியான வளர்ச்சியை உறுதிசெய்கிறது.
8. வாய் துர்நாற்றம் மற்றும் பல் சொத்தையை நீக்குகிறது
பல் சிதைவுடன் தொடர்புடைய துர்நாற்றத்தை அனுபவிக்கிறீர்களா? கரும்பு ஜூஸ் உங்களுக்கு கண்டிப்பாக உதவும்.
கரும்பில் கால்சியம் மற்றும் பாஸ்பரஸ் உள்ளிட்ட தாதுக்கள் நிறைந்துள்ளன, மேலும் பல் உருவாக்கம் மற்றும் பற்களை வலுப்படுத்தவும் உதவுகிறது. மேலும் இந்த சத்துக்களின் குறைபாட்டால் ஏற்படும் வாய் துர்நாற்றத்தையும் நீக்குகிறது.
கரும்பு ஜூஸ் தீமைகள்
கரும்பு ஜூஸ்-ல் இருக்கும் சர்க்கரை இயற்கையானது, ஆனால் அது சர்க்கரை என்பதை நினைவில் வைத்துக் கொள்ளுங்கள். இந்த ஆரோக்கியமான பானத்தை அளவோடு உட்கொள்ளுங்கள்.
Also Read: திரிபலா சூரணம் பயன்கள், தூதுவளை பயன்கள், பப்பாளி இலை நன்மைகள்