கேரட்டின் பயன்கள்

கேரட் நமது தமிழ்நாட்டு காய்கறி கடைகளில் கிடைக்கும் எளிய வகை காய்கறிகளில் ஒன்று. கேரட் ஒரு வேர் காய்கறி  மற்றும் சரியான ஆரோக்கிய உணவு என்று  அனைவராலும் அடிக்கடி கூறப்படுகிறது. 

கேரட் மொறுமொறுப்பானது, சுவையானது மற்றும் அதிக சத்தானது.  கேரட்டில் பீட்டா கரோட்டின், நார்ச்சத்து, வைட்டமின் K, பொட்டாசியம் மற்றும் ஆன்டி-ஆக்ஸிடன்ட்டுகளின்  ஆகியவைகள் உள்ளன.

கேரட் சாப்பிடுவதால் நமக்கு நிறைய நன்மைகள் கிடைக்கின்றன.  நமது கண் பார்வைக்கும் நமது உடம்பில் உள்ள அதிகப்படியான எடையை குறைப்பதற்கும் கேரட்டை பயன்படுத்தலாம் .

கேரட்டின் மேலும் சிறப்பம்சம் என்னவென்றால் அவற்றில் உள்ள பீட்டா கரோட்டின் புற்று நோயிலிருந்து நம்மை பாதுகாக்கும். கேரட் மஞ்சள், வெள்ளை, ஆரஞ்சு, சிவப்பு மற்றும் ஊதா உள்ளிட்ட பல வண்ணங்களில் காணப்படுகிறது.

இந்த பீட்டா கரோட்டீன்கள்தான் கேரட்டின் ஆரஞ்சு கலருக்கு காரணமாக அமைகின்றன.  இந்த பீட்டா கரோட்டின் களை நமது உடல் வைட்டமின் ஏ ஆக மாற்றுகிறது.

ஒரு கப்  கேரட்டில் பின்வரும் சத்துக்கள் உள்ளன:

கேரட்டின் 86-95% வரை நீர்ச்சத்து இருக்கிறது. 10% கார்போஹைட்ரேட்டுகளைக்   அதாவது  மாவுச்சத்து இருக்கிறது.

கேரட்டில் மிக சிறிய அளவில் கொழுப்பு மற்றும்  புரதமும் உள்ளது.

100 கிராம் கேரட்டில்  உள்ள ஊட்டச்சத்து  விவரம்:

• கலோரிகள்:41
• தண்ணீர்:88%
•  புரதம்:0.9 கிராம்
•  மாவுச்சத்து:9.6 கிராம்
• சர்க்கரை:4.7 கிராம்
•  நார்ச்சத்து:2.8 கிராம்
• கொழுப்பு:0.2 கிராம்

கேரட் பெரும்பாலும் கிளைசெமிக் இண்டெக்ஸ்  தரவரிசையில்(GI Index) குறைந்த தரவரிசையில் உள்ளது. கிளைசெமிக் இன்டெக்ஸ் என்றால்  உணவு உண்ட  பின் எவ்வளவு விரைவாக அல்லது எவ்வளவு மெதுவாக அது நமது உடம்பில் உள்ள ரத்தத்தில் சர்க்கரையை ஏற்றுகிறது  என்ற அளவுகோல்.  கிளைசெமிக் இன்டெக்ஸ் அதிகமாக இருந்தால் அது சாப்பிட்ட உடனே நமது ரத்தத்தில் சர்க்கரை அளவை உடனே கூட்டிவிடும்.  நமது அரிசி இதற்கு ஒரு சாதாரணமான எடுத்துக்காட்டு.  ஆனால் கேரட் கிளைசெமிக் இன்டெக்ஸ் குறைந்த தரவரிசையில் வருவதால் அது நீரிழிவு நோயாளிகளுக்கு பயனுள்ளதாக கருதப்படுகிறது.

கேரட்டின் பயன்கள்

1.நார்ச்சத்து

கேரட்டில் இரண்டு வகையான நார் சத்துக்களும் இருக்கின்றன. கேரட்டில் உள்ள கரையக்கூடிய நார்ச்சத்தின் முக்கிய வடிவம் பெக்டின் ஆகும்.கரையக்கூடிய நார்ச்சத்துக்கள் சர்க்கரை மற்றும் ஸ்டார்ச் செரிமான  வேகத்தை குறைப்பதன் மூலம் இரத்த சர்க்கரை அளவை  குறைக்கிறது.

 மேலும் கரையக்கூடிய நார்ச்சத்துக்கள் நமது குடலில் உள்ள நன்மை பயக்கும் பாக்டீரியாக்களுக்கு உணவாக அமைகின்றன.  இது நமது குடலின் ஆரோக்கியத்தை மேம்படுத்துகிறது. மேலும், சில கரையக்கூடிய நார்ச்சத்துகள் உங்கள் செரிமானப் பாதையில் இருந்து கொழுப்பை உறிஞ்சுவதைத் தடுத்து,  ரத்தத்தில் உள்ள கொழுப்பின் அளவை குறைக்கும்..

கேரட்டில் உள்ள முக்கிய  கரையாத நார்ச்சத்துக்கள் செல்லுலோஸ், ஹெமிசெல்லுலோஸ் மற்றும் லிக்னின்.  இந்த கரையாத நார் சத்துக்கள் நமக்கு மலச்சிக்கல் போன்ற நோய்கள் வராமல் தடுக்கின்றன.

2.கேரட்டில் உள்ள வைட்டமின்கள் மற்றும் தாது உப்புக்கள்

கேரட்டில் பல வைட்டமின்கள் மற்றும் தாதுக்கள், குறிப்பாக பயோட்டின், பொட்டாசியம் மற்றும் வைட்டமின்கள் A (பீட்டா கரோட்டின்), K1 (பைலோகுவினோன்) மற்றும் B6  ஆகியவை உள்ளன.

• வைட்டமின் ஏ: கேரட்டில் பீட்டா கரோட்டின் நிறைந்துள்ளதால், அதை உங்கள் உடல் வைட்டமின் A  ஆக மாற்றுகிறது. இந்த ஊட்டச்சத்து நல்ல பார்வையை ஊக்குவிக்கிறது மற்றும் உடல் வளர்ச்சி மற்றும் நோயெதிர்ப்பு செயல்பாட்டிற்கு முக்கியமானது.
• பயோட்டின்: முன்பு வைட்டமின் H என  அழைக்கப்பட்ட பயோட்டின்,  நமது உடலின் கொழுப்பு மற்றும் புரத வளர்சிதை மாற்றத்தில் முக்கிய பங்கு வகிக்கிறது.
• வைட்டமின் K1: பைலோகுவினோன் என்றும் அழைக்கப்படும், வைட்டமின் K1 இரத்த உறைதலுக்கு முக்கியமானது மற்றும் எலும்பு ஆரோக்கியத்தை  மேம்படுத்துகிறது. 
• பொட்டாசியம்: பொட்டாசியம் இரத்த அழுத்தத்தைக் கட்டுப்படுத்தவும் அதிகப்படியான உப்பை நமது உடம்பிலிருந்து வெளியேற்றுவதிலும் முக்கிய பங்கு வகிக்கிறது.
• வைட்டமின் B6:  B6 உணவை ஆற்றலாக மாற்றுவதில் ஈடுபட்டுள்ளது.

நீங்கள் குழந்தையாக இருந்தபோது, ​​​​கேரட் உங்கள் கண்களுக்கு நல்லது என்று கேள்விப்பட்டிருக்கலாம் .  ஆம் அது உண்மைதான் – ஆனால் கேரட்டின் நன்மைகள் அது மட்டும் இல்லை. 

3. மாலைக்கண் நோய்க்கு டாட்டா

 ஒரு பெரிய கேரட்டில் நமது உடம்புக்கு ஒரு நாளைக்கு தேவைப்படும் வைட்டமின் A 100% இருக்கிறது. வைட்டமின் A இன் குறைபாடு ஜெரோஃப்தால்மியா எனப்படும்  மாலைக்கண் நோய்க்கு வழி வகுக்கும்.

4.கேரட் உங்கள் இரத்த சர்க்கரையை சமநிலைப்படுத்துகிறது

கேரட்டில் உள்ள கரையக்கூடிய நார்ச்சத்தின் முக்கிய வடிவம் பெக்டின் ஆகும்.கரையக்கூடிய நார்ச்சத்துக்கள் சர்க்கரை மற்றும் ஸ்டார்ச் செரிமான  வேகத்தை குறைப்பதன் மூலம் இரத்த சர்க்கரை அளவை  குறைக்கிறது.

5.எடை குறைய வேண்டுமா? கேரட் சாப்பிடுங்கள்

கேரட் முழுக்க முழுக்க தண்ணீர்ச் சத்து நிறைந்த ஒரு காய்கறி – ஒரு கேரட்டில் உண்மையில் 88% தண்ணீர் உள்ளது. இதனால் நாம் கேரட் சாப்பிடும்போது நமக்கு சீக்கிரமே வயிறு நிரம்பிய ஒரு உணர்வை தருகிறது.  இதனால் நாம் சாப்பிடும் அளவு குறைந்து நமது எடை குறைகிறது.

 எனவே உடல் பருமனாக இருப்பவர்கள் தினமும் கேரட் சாப்பிட்டு வந்தால் அவர்களது உடம்பு எடை குறைவதை அவர்கள் காணலாம்.

மேலும், கேரட்டில் கலோரிகள் குறைவு. நறுக்கிய ஒரு கோப்பையில் வெறும் 52 கலோரிகள் மட்டுமே உள்ளது.

6.புற்று நோய்க்கு டாட்டா

கேரட்டில் காணப்படும் ஆன்டிஆக்ஸிடன்ட்கள் நுரையீரல், பெருங்குடல், புரோஸ்டேட் மற்றும் லுகேமியா உள்ளிட்ட பல புற்றுநோய்களின் அபாயத்தைக் குறைக்கின்றன. பீட்டா கரோட்டின் எனப்படும் கரோட்டினாய்டு ஆன்டிஆக்ஸிடன்ட், பெருங்குடல் புற்றுநோய் வராமல் தடுப்பதாக கண்டறியப்பட்டது.

7.கேரட் இரத்த அழுத்தத்தை ஒழுங்குபடுத்த உதவுகிறது

கேரட்டில்  உள்ள பொட்டாசியம் இரத்த அழுத்தத்தை சீராக்குவதில் முக்கிய பங்கு வகிக்கிறது. இந்த தாது சோடியம் அளவை சமன் செய்கிறது மற்றும் உடலில் இருந்து அதிகப்படியான சோடியம் மற்றும்  நீரை வெளியேற்ற உதவுகிறது,  இதனால் இதயத்திற்கு உள்ள பழு குறைகிறது .  நீங்கள் அதிக உப்பு கொண்ட உணவை சாப்பிட்டு விட்டால் அதை உங்கள் உடம்பில் இருந்து வெளியேற்ற கேரட்டை சாப்பிடலாம். 

8.கேரட் இதய நோய் அபாயத்தைக் குறைக்கும் 

கேரட்டில் உள்ள பினோலிக் கலவைகள் இருதய நோய்களைக் குறைக்கும் ஆற்றலைக் கொண்டுள்ளன. இந்த கலவைகள் நமது ரத்தத்தின் சர்க்கரை மற்றும் கொழுப்பின் அளவை பராமரிக்க உதவுகிறது.

9.கேரட் உங்கள் நோய் எதிர்ப்பு சக்தியை ஆதரிக்கிறது

கேரட்டில் உள்ள வைட்டமின்கள் வைட்டமின் C மற்றும் வைட்டமின் A  நமது நோயெதிர்ப்பு மண்டலத்திற்கு நன்மை பயக்கும:. கேரட்டில் உள்ள வைட்டமின் சி உங்கள் நோயெதிர்ப்பு மண்டலத்தை ஆரோக்கியமாக வைத்திருக்க உதவுகிறது.

10.மூளை ஆரோக்கியத்தை அதிகரிக்கிறது

கேரட்டில் உள்ள இயற்கை மூலங்கள் அழற்சி எதிர்ப்பு சக்தியாக செயல்படுவதாக நிரூபிக்கப்பட்டுள்ளது. அவற்றில் ஒன்று லுடீன்-அதே ஆன்டிஆக்ஸிடன்ட் விழித்திரையை செல் சிதைவிலிருந்து பாதுகாக்கிறது- மேலும் இது மூளையின் செயல்பாட்டிலும்  முன்னேற்றத்தை காட்டுகிறது.

உங்கள் உணவில் அதிக கேரட்டை எவ்வாறு சேர்ப்பது

 இவ்வாறு பல விதங்களில் நமக்கு நன்மை அளிக்கும் கேரட்டுக்களை நாம் தினமும் உணவில் சேர்த்துக் கொள்வது மிகவும் அவசியம்.  மேலும் கேரட்டுகள் நமது சாப்பிடும் தட்டில் நிறைய வண்ணங்களை சேர்க்கின்றன. 

ஆனால் கேரட்டின் ஒவ்வொரு நிறமும்  ஒவ்வொரு வகை ஊட்டச்சத்துக்களை கொண்டு இருக்கின்றன என்று காட்டுகின்றன. ஊதா வகை  கேரட்டுகள் பாலிஅசெட்டிலீன்களைக் கொண்டுள்ளது, இது அழற்சி எதிர்ப்பு பண்புகளையும் கொண்டுள்ளது. மஞ்சள் நிறத்தில்  உள்ள கேரட் களில் அதிக லுடீனைக் காணலாம். ஆரஞ்சு கேரட்டில் நிறைய ஆல்பா மற்றும் பீட்டா கரோட்டின் உள்ளது, அதே நேரத்தில் கருப்பு கேரட்டில் பினோலிக் கலவைகள் நிறைந்துள்ளன. மேலும் சிவப்பு கேரட்டில் அதிக அளவு லைகோபீன் உள்ளது.

ஆனால் அவற்றை  எப்படி சாப்பிடுவது என்ற கேள்வி நமக்கு எழலாம்: பச்சையாகவோ அல்லது சமைத்ததாகவோ?  இதற்கு மிகச் சிறிய பதில் என்னவென்றால் வாரம் முழுவதும் கேரட்டை பச்சையாகவும் சமைத்தும் சாப்பிடுவதுதான். கேரட்டை பச்சையாகவும் சமைத்ததாகவும் சாப்பிடுவதால் நன்மைகள் உள்ளன.  பச்சை கேரட்டில் குறைந்த கிளைசெமிக் குறியீட்டு உள்ளது, மேலும் அதிக வைட்டமின் சி  உள்ளது. சமைத்த கேரட் கேரட் அடர்த்தியான செல்லுலார் சுவர்களை உடைக்கிறது. இது ஆன்டிஆக்ஸிடன்ட்களை  நமது உடல் உறிஞ்சுவதை எளிதாக்குகிறது.

கத்தரிக்காயின் நன்மைகள்